लागू औषध गाँजाको बोट तथा बिरुवा फडानी गरी नष्ट

Logo
Red FM शनिबार, मंसिर १४, २०८२

लागू औषध गाँजाको बोट तथा बिरुवा फडानी गरी नष्ट

विराटनगर, मंसिर १३ गते ।
भोजपुर र धनकुटा जिल्लाका विभिन्न डाँडा–पाखामा प्राकृतिक रूपमा उम्रिएका तथा केही व्यक्तिले लुकिछिपी रोपेर हुर्काएका गाँजाका बोट तथा बिरुवाहरू प्रहरीले फडानी गरी नष्ट गरेको छ।

मंसिर १२ गते जिल्ला प्रहरी कार्यालय भोजपुर तथा इलाका प्रहरी कार्यालय घोडेटार, बोयाङ र अस्थायी प्रहरी चौकी दुम्मानाबाट खटिएको संयुक्त प्रहरी टोलीले हतुवागढी र आमचोक गाउँपालिकाका विभिन्न स्थानमा करिब ७० रोपनी क्षेत्रमा फैलिएको ७ हजार ४ सय ५० वटा गाँजाका बोट तथा बिरुवाहरू फडानी गरी नियन्त्रणमा लिएर नष्ट गरेको जनाएको छ।

त्यस्तै, धनकुटा जिल्लाको इलाका प्रहरी कार्यालय छिन्ताङ र राजानरीबाट खटिएको प्रहरी टोलीले सहिदभूमि र चौविसे गाउँपालिकाका डाँडा–पाखामा फैलिएको करिब ६.५ रोपनी क्षेत्रफलमा रहेका १ हजार १ सय ५० वटा गाँजाका बोट तथा बिरुवाहरू समेत फडानी गरी नष्ट गरेको छ।

प्रहरीका अनुसार लागूपदार्थ नियन्त्रण अभियान अन्तर्गत अवैध रुपमा खेती गरिएका तथा जङ्गलमा आफै उम्रिएका गाँजाका बोटहरू क्रमिक रूपमा फडानी कार्य जारी राखिने जनाएको छ।

तपाईको प्रतिक्रिया
RED FM

हाम्रो टिम

छिटै आउदै छ

सम्पर्क

Red FM 101 MHz
Biratnagar Morang Nepal
E-mail: [email protected]
Web: www.redfm.com.np
Facebook: fb.com/redfm.com.np
Phone: 9825378356