मोरङको पथरी शनिश्चरे नगरपालिका–मा रहेको लर्ड बुद्ध बचत तथा ऋण सहकारी संस्था लिमिटेडको २४औँ वार्षिक साधारणसभा असोज २५ गते सम्पन्न भएको छ। साधारणसभाका अवसरमा संस्थाले पूर्व सञ्चालकसहित उत्कृष्ट बचत तथा ऋण कारोबारकर्ता र बाल बचतकर्तालाई सम्मान तथा पुरस्कार प्रदान गरेको छ।
संस्थाले पूर्व सञ्चालक शम्भुराज थापालाई सम्मान गरेको छ।
त्यसैगरी, उत्कृष्ट बचत कारोबारतर्फ सोनी राई र जितबहादुर तामाङ पुरस्कृत भएका छन्। उत्कृष्ट ऋण कारोबारकर्ताका रूपमा राजकुमारी राई र नरजङ्ग लिम्बूलाई पुरस्कार प्रदान गरिएको छ। उत्कृष्ट बाल बचत कारोबारकर्ताका रूपमा टेकेन्द्रकुमार श्रेष्ठ पुरस्कृत भएका छन्।
साधारणसभामा संस्थाका सचिव प्रतिमान राईले वार्षिक कार्यप्रगति विवरण प्रस्तुत गर्दै आगामी आर्थिक वर्षका लागि प्रस्तावित कार्ययोजनाबारे जानकारी गराएका थिए। त्यस्तै, सञ्चालक समितिका तर्फबाट कोषाध्यक्ष योगेन्द्र भण्डारीले आर्थिक प्रतिवेदन, लेखा प्रतिवेदन तथा प्रस्तावित बजेट प्रस्तुत गरेका थिए।
साधारणसभामा प्रस्तुत प्रतिवेदनमा आर्थिक वर्ष २०७९/०८० देखि २०८२/०८३ सम्मको संस्थागत कोष, बचत तथा निक्षेप, बाह्य ऋण, ऋण लगानी, स्थिर सम्पत्ति, आम्दानी र खर्चको विवरण समेटिएको थियो। साथै, आर्थिक वर्ष २०८३/०८४ का लागि विभिन्न शीर्षकमा प्रस्तावित लक्ष्य तथा योजनासमेत प्रस्तुत गरिएको थियो।
संस्थाले विगतका वर्षको आर्थिक कारोबारको समीक्षा गर्दै बचत तथा निक्षेप परिचालन, ऋण लगानी र वित्तीय व्यवस्थापनलाई थप व्यवस्थित बनाउने उद्देश्यसहित आगामी आर्थिक वर्षको योजना अघि सारेको जनाएको छ।
साधारणसभाले संस्थाको आर्थिक अवस्था, कार्यप्रगति र भावी योजनाबारे सदस्यहरूलाई जानकारी गराउनुका साथै सहकारीको कारोबारमा योगदान पुर्याउने सदस्यहरूको योगदानको कदर गरेको छ।
