लागू औषधसहित दुई युवक नियन्त्रणमा
मोरङ, १२ मंसिर २०८२ — मोरङको लेटाङ नगरपालिका–५ खेरुवा क्षेत्रमा लागू औषधसहित दुई जना युवकलाई प्रहरीले नियन्त्रणमा लिएको छ।
इलाका प्रहरी कार्यालय लेटाङबाट खटिएको टोलीले सोमबार राति करिब २२:३० बजे ना ३ प २६८७ नम्बरको मोटरसाइकल रोकी चेकजाँच गर्ने क्रममै उनीहरूलाई पक्राउ गरिएको हो।
प्रहरीका अनुसार मोटरसाइकलमा सवार उर्लाबारी नगरपालिका–२ बस्ने २२ वर्षीय सन्दिप धिमालको साथबाट लागू औषध खैरो हेरोइनजस्तै देखिने लिसाइला पदार्थ २ ग्राम फेला परेको छ। साथै मोटरसाइकल चालक लेटाङ नगरपालिका–५ बस्ने ३१ वर्षीय प्रविन राईलाई समेत नियन्त्रणमा लिइएको प्रहरीले जनाएको छ।
उनीहरूलाई मोटरसाइकलसहित इलाका प्रहरी कार्यालय लेटाङमा ल्याई थप अनुसन्धान जारी रहेको प्रहरीले जानकारी दिएको छ।
