झिन्पुच विराटनगरको आयोजनामा आइतबार विराटनगरमा गाईजात्रा पर्व धुमधामका साथ मनाइएको छ। पर्वको अवसरमा विभिन्न सांस्कृतिक झाँकीसहितको नगर परिक्रमा गरिएको थियो। कार्यक्रममा विशेषगरी युवा तथा नेवार समुदायको सक्रिय सहभागिता देखिएको थियो, जसमा लाखे नाच मुख्य आकर्षण बनेको थियो।

गाईजात्रा पर्व काठमाडौं मात्र होइन, अन्य सहरहरूमा पनि भव्य रूपमा मनाउने परम्परा छ। विराटनगरमा पनि यो पर्व उत्साहपूर्वक मनाउने चलन रहेको छ। यस अवसरमा आफ्ना दिवंगत पितृहरूको सम्झनामा आफन्तहरूले तस्बिर बोकेर गाईजात्रामा सहभागिता जनाएका थिए।