आगामी जुन १ मा अमेरिका र वेस्ट इन्डिजमा सुरु हुने विश्वकप टी २० क्रिकेटको खेल तालिका सार्वजनिक भएको छ । अन्तर्राष्ट्रिय क्रिकेट काउन्सिल (आईसीसी) ले आज खेलतालिका सार्वजनिक गरेको हो ।

योपटक प्रतियोगितामा २० टिम रहेका छन् । ती टिमलाई चार समूहमा विभाजन गरिएको छ । नेपाल रहेको समूहमा श्रीलंका, बंगलादेश, दक्षिण अफ्रिका र नेदरल्यान्ड्स रहेका छन् । यीमध्ये नेपालले टी २०मा बंगलादेश र नेदरल्यान्ड्ससँग मात्र खेलेको छ । अन्य टेस्ट मान्यता प्राप्त टिम हुन् । यी टिमसँग नेपालले पहिलोपटक टी २०मा प्रतिस्पर्धा गर्नेछ ।

प्रत्येक समूहबाट शीर्ष दुई टिम सुपर एटमा पुग्नेछन् । त्यसबाट दुई समूहमा विभाजन गरी सुपर एटका खेलहरू हुनेछन् । त्यसपछि चार टिम सेमिफाइनल पुग्नेछन् ।

नेपालले पहिलो खेल ४ जुनमा अमेरिकाको डलासमा नेदरल्यान्ड्सविरुद्ध खेल्नेछ । ११ जुजमा फ्लोरिडामा श्रीलंकाविरुद्ध, १४ जुनमा सेन्ट भिसेन्टमा दक्षिण अप्रिकाविरुद्ध र १६ जुनमा सेन्ट भिसेन्टमा बंगलादेशविरुद्ध खेल्नेछ ।