सामुदायिक बन दिवसमा डाँस मोरङ्गी सामुदायिक वनमा वृक्षरोपण

Logo
भोजराज घिमिरे सोमबार, साउन २७, २०८२

सामुदायिक बन दिवसमा डाँस मोरङ्गी सामुदायिक वनमा वृक्षरोपण
 पथरी

मोरङको पथरीशनिश्चरेस्थित डाँस मोरङ्गी सामुदायिक वन क्षेत्रमा सोमबार सामुदायिक बन दिवसको अवसरमा वृक्षरोपण कार्यक्रम सम्पन्न भएको छ। हरेक वर्ष विभिन्न कार्यक्रममार्फत मनाइँदै आएको सामुदायिक बन दिवस यस वर्ष वृक्षरोपण गरेर मनाइएको हो।

सामुदायिक बन उपभोक्ता महासंघ पथरीशनिश्चरे नगरकार्यसमितिले आयोजना गरेको उक्त कार्यक्रममा सामुदायिक बन उपभोक्ता महासंघ मोरङले सहकार्य गरेको थियो।
कार्यवाहक अध्यक्ष मदन पोख्रेलका अनुसार जंगलमा वन्यजन्तुका लागि आहाराको अभाव हुँदा उनीहरू सडकमा निस्कनु, बस्तीमा प्रवेश गर्नुजस्ता घटनाले दुर्घटनाको जोखिम बढाउने भएकाले यस कार्यक्रमले त्यस्ता सम्भावित जोखिम न्यूनिकरणमा मद्दत गर्ने विश्वास लिइएको हो।

डाँस मोरङ्गी सामुदायिक वनका अध्यक्ष हरि निरौलाले वन क्षेत्रमा २ सय ५० वटा केराका बोट र कार्यालय परिसरमा २ सय ५० वटा सुपारीका बोट रोपिएको जानकारी दिए।

सामुदायिक बन उपभोक्ता महासंघ पथरीशनिश्चरे नगरअध्यक्ष मैनादेवी फुयालको अध्यक्षतामा सम्पन्न कार्यक्रममा पथरीशनिश्चरे नगरपालिकाका नगरप्रमुख मोहन तुम्वापो प्रमुख अतिथि रहेका थिए। उनले वन क्षेत्रका समस्या समाधानका लागि नगरपालिकाले सधैं सहकार्य गर्ने प्रतिबद्धता जनाउँदै, ऐन–कानुनका केही प्रावधानले कार्यान्वयनमा चुनौती ल्याउने तथ्य उल्लेख गरे।

इलाका प्रहरी कार्यालय पथरीका डिएसपी तुलसिराम अर्यालले वन क्षेत्रमा हुने आपराधिक गतिविधि नियन्त्रणका लागि प्रहरी र वनकर्मीबीच सहकार्य आवश्यक रहेकोमा जोड दिए।

कार्यक्रममा विभिन्न सामाजिक संस्था, बन समितिका प्रतिनिधि र सयौं स्थानीय उपभोक्ताको सहभागिता रहेको थियो।

तपाईको प्रतिक्रिया
RED FM

हाम्रो टिम

छिटै आउदै छ

सम्पर्क

Red FM 101 MHz
Biratnagar Morang Nepal
E-mail: [email protected]
Web: www.redfm.com.np
Facebook: fb.com/redfm.com.np
Phone: 9825378356