यूकेस्थित आईटी कन्सल्टिङ तथा साइबरसुरक्षा फर्म Genese Solution का सीईओ अञ्जनी फुयालले AWS Ambassador Global Summit मा “Empowering Remote Hills in Nepal: Sustainable Livelihoods through AWS Skills” भन्ने मुख्य वृतान्त गर्दै भनिन् कि डिजिटल विभाजनलाई कम गर्नु नै नेपाल लगायतका विकासशील देशका युवाहरूलाई सशक्त बनाउनका लागि महत्वपूर्ण हो |
फुयालले भने, “बिदेशिने युवाको संख्या दैनिक करिब १,७०० हुन्छ; यदि हामी ग्रामीण युवालाई सिक्ने, कमाउने र नेतृत्व गर्ने मौका दिन सक्छौँ भने स्थानीय रूपमा रोजगारी सिर्जना हुनेछ र युवाहरूको बिदेशिने समस्यामा कमी आउँनेछ ।
Genese Solution ले भोजपुर, सुर्खेत लगायतका दूरदराजका जिल्लामा क्लाउड कम्प्युटिङ र साइबर सुरक्षा प्रशिक्षणाद्वारा ३०० भन्दा बढी युवाहरूलाई क्षमता विकासमा सहयोग गरेको छ । कम्पनीका अनुसार अहिलेसम्म पाँचवटा कम्युनिटी टेक ल्याब स्थापना भइसकेका छन् र पाँच प्रदेशका १२ जिल्लामा करीव १२ सार्वजनिक–निजी साझेदारहरू संलग्न छन् ।
त्यसै गरी, फुयालले आफ्नो प्रस्तुतीकरणमा भने, “पहिले स्थानीय youths लाई AWS चाहिँदैनथ्यो र टेक ल्याबमा समेत काम गरेको थिएनन्। हामीले २५ जना विद्यार्थीहरूसँग क्लाउड बुटक्याम्प चलायौं; ती सबै कार्यक्रम पूरा गरी अहिले धेरैले Genese मा इन्टर्न भइरहेका छन् र अभिभावक तथा विद्यालयहरू नजिकका वडामा विस्तारको माग गरिरहेका छन् ।
फुयालले थप बताए, “हामी भविष्यको निर्माण गर्न चाहन्छौँ जहाँ युवाहरू नै नेपालको टेक अर्थतन्त्रलाई अघि बढाउँछन्” र विश्वव्यापी टेक समुदायलाई नेपाली युवालाई प्रशिक्षित र सशक्त बनाउन आह्वान पनि गरे ।
Genese Solution हाल १० देशमा सञ्चालनमा रहेको छ जसमा यूके, नेपाल, बंगलादेश, नाइजेरिया र अमेरिकाका कार्यालयहरू छन्; कम्पनीले सार्वजनिक तथा निजी क्षेत्रका ग्राहकहरूलाई डिजिटल रूपान्तरण, क्लाउड सेवा र साइबर सुरक्षा प्रदान गर्दै आएको छ |
