विराटनगर — प्रधानमन्त्री पुष्पकमल दाहाल सुनकोसी मरिण डाइभर्सन सुरुङ ‘ब्रेक थ्रु’ गर्ने कार्यक्रमका लागि सिन्धुलीको मुलकोट आइपुगेका छन् ।
नेपाली सेनाको हेलिकोप्टर चढेर साँझ प्रधानमन्त्री दाहाल मुल्कोट आइपुगेका हुन् । मुल्कोटस्थित क्वालिटी बिच रिसोर्टमा बसेका दाहालले साँझै नजिकै रहेको सुनकोशी गाउँपालिकाको कार्यालय पुगेर जनप्रतिनिधिहरुसँग भेटी समस्याहरुका बारेमा जानकारी लिएका थिए ।
बुधबार बिहान दाहालले सिन्धुली र रामेछापका अगुवा कार्यकर्ता भेट गरी अपराह्न सुनकोशी गाउँपालिका–७ को कानढुंग्रीमा रहेको सुनकोशी मरिण डाइर्भसन सुरुङको ‘ब्रेक थ्रु’ गर्ने कार्यक्रममा सहभागी हुने प्रधानमन्त्रीका प्रेस सल्लाहकार गोविन्द आचार्यले जानकारी दिए ।
