विराटनगरको सहिद मैदानमा हुने उद्घाटन खेलमा विभागीय टोली नेपाल पुलिस क्लबले पाहुना टोली भुटानको रोयल थिम्पु फुटबल क्लबको सामना गर्ने छ । विसं २०१८ सालदेखि महेन्द्र गोल्डकपका नाममा सञ्चालन हुँदै आएको यो प्रतियोगिता २०६८ सालदेखि विराट गोल्डकपमा रुपान्तरण भएको हो । चैत २४ गतेसम्म सञ्चालन हुने प्रतियोगितामा विदेश ३ सहित १० टिमको सहभागिता रहने छ । प्रतियोगिताको विजेताले ११ लाख र उपविजेताले ५ लाख ५० हजार पुरस्कार पाउने छ ।