भोजपुर, फागुन २३ – भोजपुरको छिनामुख–३ मा एक जनाको हत्या भएको छ । १७ वर्षका संजोग राईको नचिनेका व्यक्तिको समूहले आइतबार राति हत्या गरेको प्रहरीले जनाएको छ ।
रातिको समयमा घरमा कोही नभएको बेला नचिनेका मानिसको समूहले उनलाई घर नजिकै रहेको याङटाङ खोलाको अलैचीघारीमा लगेर कुटपीट गरी हत्या गरेका हुन् ।
हत्यामा संलग्नको खोजी भइरहेको प्रहरीले जनाएको छ । राईको शव स्थानीय बासिन्दाले सोबार बिहान अलैँचीघारीमा देखेपछि प्रहरीलाई खबर गरेका थिए । हत्याबारे अनुसन्धान भइरहेको जिल्ला प्रहरी कार्यालय भोजपुरका डिएसपी काजीकुमार आचार्यले बताउनुभयो ।
Post a Comment