काठमाडौं फागुन २४।
प्रहरीको गोली लागि ३ जनाको ज्यान गएपछि संयुक्त लोकतान्त्रिक मधेसी मोर्चा सप्तरीले आजबाट आह्वान गरेको अनिश्चतकालिन सप्तरी आमहडतालका कारण जिल्लाको जनजीवन प्रभावित भएको छ ।
मधेश बन्दको अनुगमनमा गएको मानव अधिकार आयोगको गाडीमा तोडफोड गरेका छन् ।राजविराज पुगेको आयोगको बा ७ च ७४७३ नम्वरको गाडीमा मोर्चाका कार्यकर्ताले तोडफोड गरेका हुन् ।गाडीका सिसा फुटेका छन् ।त्यसैबीच मोर्चाका कार्यकर्ताले राजविराज नगरपालिका कार्यलय र नेपाल टेलिकमको कार्यालयमा पनि तोडफोड गरेका छन् |
बिहानैदेखि मोर्चाका कार्यर्ताहरु सदरमुकाम राजविराज, पूर्व-पश्चिम राजमार्गको भारदह र रुपनी, तोपा, हनुमाननगर सहितका स्थानमा टायर बालेर प्रदर्शन गरेका छन् राजविराजस्थित गजेन्द्र चोकमा भेला भएका मोर्चाका कार्यकर्ताहरुले टायर बाल्दै प्रदर्शन चर्काएका छन् । बन्दका कारण पूर्व-पश्चिम राजमार्ग सहित जिल्लाका प्रमुख बजार , कलकारखाना, शैक्षिक संस्था साथै यातायात ठप्प रहेको छन् ।
Post a Comment