सद्भावना बुद्धिजीवी मञ्चको गठन

विराटनगर, माघ २५ गते । सद्भावना पार्टीको वर्गीय संगठन वुद्धिजीवी मञ्चको तदर्थ समिति गठन गरिएको छ । आज एक समारोहकाबीच मञ्चको तदर्थ समिति गठन गरिएको हो ।
वुद्धिजीवि समितिको मोरंग अध्यक्षमा योगेन्द्र यादव रहनु भएको छ भने उपाध्यक्षमा मो. रिजवान कास्मी रहनुभएको छ ।
यसरी नै सचिवमा सन्तोष चौधरी चयन हुनु भएको छ भने कोषाध्यक्षमा शंकरप्रसाद याद चयन हुनुभएको छ । यसरी नै सदस्यहरुमा नापीलाल राजवंशी, भिकु हस्दा, सिताराम साहलगायत नौं सदस्यीय समितिको सर्वसम्मत चयन गरिएको छ ।
सद्भावना पार्टीका मोरंग जिल्ला अध्यक्ष राधे कामत, केन्द्रीय सदस्य भोगेन्द्र यादव र लक्ष्मण साह समेतले नव गठित समितिको पूर्ण कार्यकालको शुभकामना दिनुभएको थियो ।