विराटनगर माघ,१५
साल्ट ट्रेडिङ कर्पोरेशन लिमिटेडले नुनको मूल्य प्रतिपकिलो ७ रुपैयाँ बढाउने भएको छ । ट्रेसाल्ट डिङले प्रतिकिलोमा ५ रुपैयाँ घाटा भएको भन्दै सरकार समक्ष्य यस्तो प्रस्ताव राखेको हो । अब नुनको मुल्य प्रति किलोको १८ रुपैयाँ बाट बढेर २५ रुपैयाँ पर्ने भएको छ ।
साल्ट ट्रेडिङले नुनको मूल्य लागतभन्दा कम हुँदा संस्थानलाई वर्षमा ३५ करोड रुपैयाँ घाटा भइरहेको जानकारी गराएको छ । तर सरकारले ३५ करोड अनुदान दिए भाऊ नबढाइने ट्रेडिङले बताएको छ ।
मूल्य बढाउनभन्दा राज्यले अनुदानबाटै यसलाई पूर्ति गर्न सके राम्रो हुने साल्ट ट्रेडिङगको भनाई छ ।
साल्ट ट्रेडिङका अनुसार अहिले ढिके नुनमा पनि किलोको ३ रुपैयाँ घाटा छ । डिलरहरुले साल्ट ट्रेडिङसँग किलोको २ रुपैयाँ कमिसन लिने गरेका छन् । अब यसलाई बढाउन दबाव आइरहेको र ५० पैसा बढाउने गरी नयाँ मूल्य प्रस्ताव गरिएको हो ।
साल्ट ट्रेडिङले प्रस्ताव गरेअनुसार मूल्य बढेमा उसलाई किलोको १।५० रुपैयाँ नाफा हुनेछ । यसअघि नुनको मूल्य १५ रुपैयाँबाट १८ रुपैयाँ बनाइएको थियो ।
अहिले नेपालमा वाषिर्क १ लाख ६० हजार मेट्रिक टन नुनको खपत हुन्छ । यसमा आयोडिनयुक्त नुनको हिस्सा ६० प्रतिशत छ भने ढिके नुनको प्रयोग ४० प्रतिशत छ ।
Post a Comment