धनुषा पुस१२ ।
धनुषामा लुटेरा समूहले पाँच लाख रुपैयाँ बरावरको धनमाल लुटेका छन् ।धनुषा जिल्लाको गिधा गाविस(३ गिधाका पप्पु पण्डित र श्याम मण्डलको घरमा हतियार सहित प्रबेश गरेका लुटेरा समूहले लुटपाट गरेको परिवारजनले जनाएको छ । आज बिहान करिब २ बजेतिर एक दर्जनभन्दा बढीको समूहमा आएका लुटेराहरुले पप्पु पण्डितको घरबाट डेढ तोला सुन, ४५ तोला चाँदी, एक लाख रुपैयाँ नगद र २ वटा सामसुङ ब्राण्डको मोवाईल लुटेर लगेका हुन् ।
त्यस्तै श्याम मण्डलको घरबाट दुई लाख रुपैयाँ भन्दा बढीको धनमाल लुटेर लगेका प्रहरीले जनाएको छ । लुटेर समूहले पैसा दिन नमानेपछि श्याम मण्डल र उनकी श्रीमती चन्द्रकला मण्डललाई कुटपिट समेत गरेका छन् । लुटेरा समूहको कुटपिटबाट उनीहरु दुवैजनाको टाउँको र खुट्टामा चोट लागेको छ । उनीहरूको जनकपुर अञ्चल अस्पतालमा उपचार भइरहेको छ । लुटपाटमा संलग्नको खोजीकार्य जारी रहेको प्रहरीले जनाएको छ ।
Post a Comment