पूर्व पश्चिम राजमार्ग अन्तरगत मोरङको बयरबन ९ मा बुधबार बिहान टिपरको ठक्करबाट मोटरसाइकलमा सवार एक दम्पतीको मृत्यु भएको छ। बिहान साढे ६ बजेतिर पूर्वबाट पश्चिमतर्फ जादै गरेको बा ४ ख ६२७४ नम्बरको टिपरले विपरित दिशाबाट आउदै गरेको को २२ प ४३८४ नम्बरको मोटरसाइकललाई ठक्कर दिंदा मोटरसाइकल चालक मोरङ पथरी शनिश्चरे ८ भुटानी शरणार्थी शिविर सेक्टर A हट नं. ४५ बस्ने बर्ष ४५ को धन कुमार राई र पछाडी सवार उनकी ३५ वर्षिया पत्नी विष्णु माया राईको मृत्यु भएको हो। टिपरको ठक्करबाट धनकुमारको घटनास्थलमै तथा बिष्णु मायाको उपचारकाक्रममा विपी कोइराला स्वास्थ्य बिज्ञान प्रतिष्ठान धरानमा बिहान ८ बजे मृत्यु भएको हो। टिपर र चालक इलाका प्रहरी कार्यालय पथरीमा राखिएको छ।
Post a Comment