भारतको तामिलनाडूकी मुख्य मन्त्री जयललिताको निधन

नयाँदिल्ली, २१ मङ्सिर - दक्षिण भारतको तामिलनाडूकी मुख्य मन्त्री जयललिताको सोमबार राति निधन भएको भारतीय सञ्चार माध्यमहरुले जनाएका छन्। छ पटक सम्म तामिलनाडुको मुख्य मन्त्री हुन सफल जयललिताको चेन्नईको अपोलो अस्पतालमा उपचारकै क्रममा सोमबार राती साढे ११ बजे मृत्यु भएको जनाईएको छ।

जयललिताको मृत्युपश्चात तामिलनाडुमा सात दिनको शोक घोषणा गरिएको छ भने प्रधानमन्त्री नरेन्द्र मोदी र कलाकारहरुले उनलाई सामाजिक सञ्जालमार्फत श्रदाञ्जली अर्पण गरिसकेका छन्।

जयललिताको अवसानपछि तामिलनाडुमा पनीरसेल्वम नयाँ मुख्य मन्त्री नियुक्त भएका छन्। यसअघि सोमबार नै उनलाई विधायक दलको नेता चयन गरिएको थियो ।