काठमाडौं १३ पुस, ।
अर्बोको रकम ठगी गरेर फरार रहेका सुधीर बस्ने पक्राउ परेका छन् १ अर्ब ६० करोड भन्दा बढी रकम ठगी गरेर फरार भएका बस्नेत गएराति पक्राउ परेका हुन् । काठमाडौंको धापासीस्थित आफ्नै घरमा सुतिरहेका बेला गएराती ११ बजे अदालतको फैसला कार्यान्वयन इकाइ, काठमाडौं प्रहरी र अपराध महाशाखाको संयुक्त टोलीले पक्राउ गरेको हो ।
लामो समय भारतमा लुकेर बस्दै आएका उनी हिजो मात्र घर आएका थिए । र विशेष सुराकीको आधारमा प्रहरीको संयुक्त टोलीले उनलाई पक्राउ गरेको काठमाडौंका निमित्त प्रहरी प्रमुख प्रद्युम्न कार्कीले जानकारी दिए । उनले हाउजिङ्ग व्यवसायका लागि सर्वसाधारणसँग करोडौ रकम लिएका लिए। बैकहरुबाट पनि ऋण लिएका थिए।
कोहिनूर हिल हाउजिङ एण्ड कोहिनूर बिल्डर्सका नाममा बैंकहरुबाट बस्नेतले ७० करोड रुपैयाँ लिएका छन् । राष्ट्रिय वाणिज्य बैंकको २१ करोड ७१ लाख रुपैयाँ कर्जा उनले तिर्न सकेका थिएनन ।
उनले प्राइम कमर्शियल बैंकबाट २० करोड ४६ लाख, कुमारी बैंकको ७ करोड ३६ लाख र सिद्धार्थ बैंकको ६ करोड १५ लाख रुपैयाँ कोहिनूर हाउजिङमा लिएका थिए। नबिल बैंकको १४ करोड ६ लाख रुपैयाँ बस्नेतले डुबाएका छन् ।
ओरेन्टियल विल्डर्सको नाममा उनले एनआईसी एसिया बैंकबाट २० करोड एक लाख ३ ऋण लिएका थिए। ऋण लिने र नतिर्ने गरेपछि उनी भूमिगत जस्तै भएका थिए। त्यसपछि अदालतले उनलाइ २ वर्ष कैदको समेत सजायँ सुनाएको थियो। पक्राउ परेका बस्नेतलाई अदालतको फैसला कार्यान्वयन गराउन अदालत मार्फत कारागार चलान गरिने कार्कीले बताए ।
Post a Comment