अहिले देशमा फेरि सीमाङ्कनको चर्चा चलेको छ। पहिलो संविधान सभा तुहिने कारणमध्ये एक प्रदेशहरुको सीमाङ्कन पनि थियो। दोस्रो संविधानसभाले पनि सीमाङ्कनको विषयमा निकै लफडा भोग्नुपर्यो। कयौँको त ज्यानै गयो। सीमाङ्कनलाई देश टुक्रा पार्ने रुपमा पनि धेरैले बुझ्ने गरेका छन्। नेपालमा १४ अञ्चल र ७५ जिल्लाको सेटमा बसेकोले अखण्ड अञ्चल, अखण्ड जिल्लाको आन्दोलन चलेको थियो। अहिले घोषणा भइसकेको प्रदेश पनि अखण्ड हुनुपर्ने भन्दै आन्दोलन भइरहेको छ।
नेपाललाई १४ अञ्चल र ७५ जिल्लामा विभाजन गर्दा झन् कति गाह्रो भयो होला? त्यतिबेला त झन् केही पनि थिएन। खाली नक्सामा कोर्नुपर्ने थियो सीमा। २०१९ मंसिर ५ गते तत्कालीन राजा महेन्द्रको पालामा सरकारले यस्तो निर्णय गरेको हो। तर यसलाई राजपत्रमा प्रकाशित गरी सार्वजनिक भने एक महिनापछि मात्रै गरियो।
- mysansar.com बाट साभार
Post a Comment