काठमाडौं, १३ पुस । राष्ट्रिय प्रजातन्त्र पार्टी नेपालले पुस २७ गते पृथ्वी जयन्तीका दिन सार्वजनिक विदा दिन सरकारसँग माग गरेको छ । बुधबार पार्टी हेडक्वार्टर धुम्वाराहीमा बसेको राप्रपा पदाधिकारी तथा सचिवालयको बैठकले सार्वजनिक विदाको माग गर्दै पार्टीका तर्फबाट सरकारमा सहभागी मन्त्रीलाई प्रस्ताव मन्त्रिपरिषद (क्याविनेट)मा लैजान निर्देशन दिएको छ । राप्रपाले राष्ट्रिय एकता दिवस र २९५ औं पृथ्वी जयन्तीको अवसरमा राजधानी र देशभर कार्यक्रममा गर्ने निर्णय गरेको छ । बैठकले सुदूर पश्चिमाञ्चलका केही जिल्लामा सुनियोजित ढंगले भएको भएको गौ हत्या घटनाको भत्सर्ना गर्दै घटनाको छानविन गरी दोषीलाई कडा भन्दा कडा कारबाही गर्न सरकारसँग माग पनि गरेको छ ।
Post a Comment