धर्मगुरु फाल्गुनन्दको सम्झनामा विहीबार सार्वजनिक विदा
झापा, कार्तिक २४ गते। भोलि राष्ट्रिय विभूति महागुरु फाल्गुनन्दको १ सय ३२ औं जन्यजयन्ती । समाजसुधारक तथा किराँत धर्मका महागुरु फाल्गुनन्दको जन्मजयन्ती मनाउन सरकारले भोली ( बिहीबार ) सार्वजनिक विदा दिएको छ ।
गृह मन्त्रालयले बुधबार साँझ प्रेस विज्ञप्ती निकालेर सो अवसरमा सार्वजनिक विदा दिइएको जनाएको हो । मन्त्रालयका शाखा अधिकृत माधवराज मरासिनीले हस्ताक्षर गरि जारी गरेको विज्ञप्तीमा सो कुरा उल्लेख छ । महागुरु धर्मगुरु फाल्गुनन्दले समाज सुधारका निम्ति वि. सं. १९८८ वैशाख २४ गते ‘सत्य धर्म मुचुल्का’ विश्व समुदायका लागि अहिले पनि अनुकरणीय छ ।
महागुरुले वि.सं. १९८८ बैशाक २५ गते तत्कालीन ‘दश लिम्बुवान सत्रथुमुका गन्यमान्य व्याक्तित्वहरुलाई पाँचथर जिल्लाको फिदिम नजिक लेब्रे कुटीमा जम्मा गराएर ‘सत्यहाङमा मुचुल्का’ तयार पारेका थिए । । धर्म प्रचार तथा मौलिकताको पहिचान गराउँदै हिँड्दा तत्कालीन राणा सरकारले उनी माथि राणा शासनका विरुद्ध राजनीतिक चेतना जगाएको आरोपमा काठमाडौं पुर्याई सोधपुछ समेत गरेको थियो ।
उनको वि.सं. २००५ साल चैत्र २२ गते पाँचथरको हाङयकमा निधन भएको थियो । नेपाल सरकारले उनलाई वि.सं. २०६६ साल मंसिर १६ गते राष्ट्रिय विभूति घोषणा गरेको हो । झापाको दमकमा उनको विशेष सम्झना गरि जयन्ती मनाउने तयारी भएको छ ।
Post a Comment