काठमाडौ, २८ कार्तिक - सत्तारुढ दल नेपाली काँग्रेसकी नेतृ एवम् पूर्वउपप्रधानमन्त्री सुजाता कोइराला थप उपचारका लागि आज अपरान्ह सिंगापुर प्रस्थान गर्न्नु भएको छ ।
कोइराला आईतबार दिउसो १ बजे छोरी ज्वाईं रुबेल चौधरीसहित सिंगापुर प्रस्थान गर्नु भएको हो । स्तन क्यान्सरबाट पीडित कोइरालाको यहि हप्तादेखि केमोथेरापी सहितको उपचार सुरु हुने छ ।
(आइक्याप)को सम्मेलनमा भाग लिन मलेसिया पुग्दा चक्कर लागेपछि अस्वस्थ भई जाँच गर्दा उहालाई स्तन क्यान्सर भएको प्रारम्भिक रिपोर्ट आएको थियो । मलेसियाबाट नेपाल फर्केपछि उहा घरमै आराम गरिरहनु भएको थियो ।
नेपाल आएलगत्तै उहाले स्वास्थ्य परीक्षणका लागि नमुना सिंगापुर पठाउनु भएको थियो । रिपोर्टमा उहालाई थप उपचार आवश्यक भएको भनिएपछि कोइराला उपचारका लागि सिंगापुर जानु भएको हो । उहाको सिंगापुरमा कुन अस्पतालमा उपचार हुनेभन्ने खुलाइएको छैन ।
यता सरकारले पनि उहाको उपचारको लागि आजै ५० लाख रुपैयाँ उपलब्ध गराउनेबारे निर्णय गर्न गरेको छ ।
Post a Comment