विराटनगर, कार्तिक २६ गते । दुगड स्पाइसेस एण्ड फूड प्रोडक्टले मोरङको टंकीसिनवारी गंगाचौकमा सञ्चालन गरेको सेन्चुरी मसला उद्योगमा हिजो साँझ भीषण आगलागी भएको छ । बेलुका ७ बजेदेखि भएको आगो निभाउन राति अबेरसम्म लागेको थियो ।
विद्युत सर्ट भएर आगलागी सुरु भएको अनुमान गरिए पनि आगलागीको कारण खुल्न सकेको छैन् । साँझ सुरु भएको आगलागीबाट ठूलो आर्थिक नोक्सानी भएको बताइएको छ । उद्योगमा भएका कच्चा पदार्थ, निर्मित मालसामान र भवनमा समेत ठूलो क्षति पुगेको मोरङ प्रहरीले जनाएको छ ।
आगलागी नियन्त्रणमा लिन विराटनगर, इटहरी, धरान र इनरुवाबाट आधा दर्जन दमकल टंकीसिनवारी पुगेका थिए । अगालागी नियन्त्रणमा लिन स्थानीयवासी, सुरक्षाकर्मी र वारुणयन्त्र कर्मचारी खटिएका थिए । आगलागिबाट ठूलै क्षति भए पनि वास्तविका क्षतिको एकीन हुन सकेको छैन । यस विषयमा उद्योगका सञ्चालक मोती दुगडसँग सम्पर्क गर्न खोज्दा सम्पर्क हुन सकेन ।
Post a Comment