विराटनगर, असोज २० गते । माओवादी केन्द्र निकट कर्मचारीहरुको संगठन नेपाल राष्ट्रिय कर्मचारी संगठन निजामती मोरङ सरुवाकै कारण विघटन जस्तै भएको छ । हालै सामान्य प्रशासन मन्त्रालयलगायत विभिन्न मन्त्रालय र विभागहरुले अन्धाधुन्द सरुवा गर्दा खासगरी मोरङमा नेपाल राष्ट्रिय कर्मचारी संगठन निजामती बढी निशानामा परेको सो संगठनले जनाएको छ ।
नेपाल राष्ट्रिय कर्मचारी महासंघ मोरङका किरण न्यौपानेले हाम्रा संगठनका खासगरी निजामती साथीहरुलाई निशानामा बनाएर मोरङ संगठन विघटन गराउने गरी सरुवा गरिएको आरोप लगाउनु भयो । पुनर्गठन र एकता गरी संगठन मजवुद बनाउनुपर्ने बेला मोरङका अध्यक्ष,सचिव, सहसचिव, सदस्यहरु तथा सल्लाहकार समितिका संयोजक सहितका पदाधिकारी र केन्द्रिय प्रतिनिधिसहित दर्जनौं व्यक्तिहरुलाई जिल्लाबाहिर सरुवा गरिएको छ । यसमा माओवादी केन्द्रका इनचार्ज कुशल लिम्बूले यसमा पार्टीको गम्भीर ध्यानाकर्षण भएको र संशोधनको पहल भैरहेको जानकारी दिनुभयो ।
Post a Comment