विराटनगर, कात्तिक १४ गते । सद्भावना पार्टीका अध्यक्ष राजेन्द्र महतोले संविधान संशोधनको प्रस्ताव अविलम्ब संसद् सचिवालयमा दर्ता हुनुपर्ने बताउनुभएको छ । सो पार्टीद्वारा शनिबार बिराटनगरमा आयोजित पार्टी प्रवेश कार्यक्रममा उहाँले आउँदो छठ पर्वसम्ममा संशोधन प्रस्ताव दर्ता नभएमा मधेसी मोर्चाले सशक्त आन्दोलन गर्ने बताउनुभयो ।
उहाँले संशोधन प्रस्तावका सम्बन्धमा प्रधानमन्त्री पुष्पकमल दाहाल सकारात्मक रहेको भए पनि प्रस्ताव दर्ता गर्नमा किन ढिलाइ भइरहेको हो भन्दै गुनासो प्रकट गर्नुभयो । पत्रकारको जिज्ञासामा उहाँले प्रस्तावलाई कुन दलले ‘समर्थन गर्ने कि नगर्ने’ भन्ने विषयमा अहिले बहस आवश्यक नरहेको चर्चा गर्दै प्रस्तावलाई समर्थन नगर्ने दललाई मधेसी जनताले मधेसमा परास्त गर्ने धारणा प्रकट गर्नुभयो ।
सो कार्यक्रममा संघीय समाजवादी फोरम र मावोवादी केन्द्र परित्याग गरि करिब १०० जना नेता तथा कार्यकर्ता सदभावना पार्टीमा प्रवेस गरेका थिए। नवाप्रबेसीहरुलाई अध्यक्ष राजेन्द्र महतो र केन्द्रिय सदस्य दीलिप धाडेवाले स्वागत गर्नु भएको थियो।
Post a Comment