हिन्दू मन्दिरमा मुश्लिमले जमरा राखे

विराटनगर, असोज १६ गते । विराटनगरको एक हिन्दू मन्दिरमा मुस्लिम समुदायका दुई व्यक्तिले जमरा राखेर सामाजिक सद्भावको सन्देश दिएका छन् ।
विराटनगरका मो. मुक्तार अन्सारी र मो. मुस्लिम अन्सारीले विराटनगर १ स्थित राधाकृष्ण शिवपाञ्चायन मन्दिरमा उत्साहकासाथ जमरा राखेका हुन् । सबै धर्मका ईश्वर एउटै हुनाले आफूहरुले पनि जमरा राखेको उनीहरुले बताएका छन् । इद र रमजानमा पनि हिन्दू समदायले सहभागी भएर मनाउने गरेको भन्दै आफूले पनि जमरा राखेको बताएका छन् । उक्त मन्दिरमा विराटनगर क्षेत्रका तीन सयभन्दा बढी परिवारले सामूहिक जमरा राखेका छन् । पोखरिया युवा संघको आयोजनामा जमरा राखिएको अध्यक्ष अमिर गुरागाईँले जानकारी दिनुभयो । प्रत्येक वर्ष सामूहिक जमरा राख्नेहरुको संख्या पनि बढ्दै गएको छ ।