विराटनगर, असोज २० गते । नेपालमा ठूला चाडपर्व नजिकिँदा सबैभन्दा उत्साह सीमावर्ती भारतीय बजारमा हुने गरेको छ । तीज अगावैदेखि सुरु भएको भारतीय बजारमा नेपाली उपभोक्ताको भीड दिनहुँ बाक्लिएको छ ।
पूर्वी नेपालसँग सीमा जोडिएका पानीट्यांकी र जोगबनी तथा मध्य नेपालसँगै जोडिएका रक्सौल तथा पश्चिम नेपालका सीमावर्ती सहरहरु सुनौली, रुपैडियालगायतका बजारमा यतिबेला नेपाली उपभोक्ताको चाप थेगिनसक्नु रहेको छ । सीमावर्ती जोगवनी चाडपर्वको बेला विशेष गुलजार हुने तर नेपाली बजारमा चहलपहल नहुने विराटनगरका व्यापारीको भनाई छ । यहाँका व्यापारी तथा व्यापारसँग सम्बद्ध संघसंस्थाले नेपाली उपभोक्तालाई आश्वस्त पार्न नसक्दा भारतीय वजारमा नेपालीको भीड उर्लिएको व्यापारीहरुको भनाई छ ।
उद्योगपतिको बाहुल्य रहेको मोरंग व्यापार संघले भेला डाकेर दशैंको शुभकामना आदानप्रदान गर्ने तर व्यापारी पुर्पुरोमा हात राखेर बस्नुपरेको भन्दै व्यापारीहरु आक्रोषित बन्न पुगेका छन् । भारतको बजारमा केही उपभोग्य सामग्रीको मूल्य सस्तो पर्ने भए पनि तौल, गुणस्तरलगायतका विषयमा नेपाली उपभोक्ता ठगिने गरेका छन् ।
Post a Comment