काठमाडौं, असोज १३ गते । काठमाडौंको टेकुस्थित पचलीभैरवको जात्रा गर्ने नयाँ मूर्तिमा बुधबार प्राण–प्रतिस्था गरिएको छ ।
स्वच्छन्द भैरवकोरुपमा पनि चिनिने पचलीभैरवको मूर्ति जीर्ण भएपछि पूर्वराजा ज्ञानेन्द्र शाहको आर्थिक सहयोगमा तामा र सुनको नयाँ मूर्ति बनाइ विधिपूर्वक मूर्तिमा प्राण–प्रतिस्था गरिएको हो ।
आगामी आइतबार पूर्वराजा शाहले काठमाडौंको भीमसेनस्थानस्थित थकुजुजु (नेवारी राजा)को घरको चोकमा राखिएको पचलीभैरवको नयाँ मूर्तिमा विशेष पूजा गर्ने जनाइएको छ ।
राजा गुणकामदेवले कलिगत संवत् ३८२५ मा कान्तिपुर सहर स्थापना गरी सहरको दक्षिण भेगको क्षेत्रपालकोरूपमा पचलीभैरवको मूर्ति स्थापना गरेको भाषा वंशावलीमा उल्लेख भएको जनाइएको छ ।
माटोका मूर्ति फुटने गरेकाले राजा शिव सिंहले तामा र सुनबाट निर्मित घ्याम्पो बनाइ पचलीभैरवको जात्रा सुरु गरेको इतिहासमा उल्लेख छ ।
बाग्मती नदीको किनारास्थित सातओटा घाटको बीचमा खुला पीठमा रहेको पचलीभैरवको सो नयाँ मूर्तिको आगामी २० गते मध्यराति बलि दिएर घ्याम्पोजात्रा आयोजना गरिँदैछ ।
Post a Comment