विराटनगर, भदौं २७ गते । विराटनगरको हाटखोला स्पोटिङ्ग क्ल्वद्धारा आयोजित फुटवल प्रतियोगितको उपाधि योंग हार्ट महेशपुर कटहरीले जितेको छ ।
हिमचुली हाटखोला क्लव र योंग हार्ट महेशपुर कटहरीबीच आज फाइनल खेल भएको थियो । विराटनगरको हाटखोला मैदानमा भएको फाइनल खेलमा महेशपुरका अञ्जेश राईले एक गोल गर्दै हिमचुली हाटखोलालाई १)० ले पराजित गरेको छ ।
खेलको म्यान अफ दी म्याच पनि योंग हार्टका अञ्जेश राई भएका थिए भने मेन अफ दी सिरिज अशोक खवास भएका थिए । प्रमुख अतिथि आरके चिल्ड्न अस्पताल, विराटनगरका प्रमुख सुनिल शर्माले विजेता टिमलाई शिल्ड तथा प्रमाणपत्र वितरण गर्नुभएको थियो । पहिलो हुन् टिम योंग हार्ट महेशपुर कटहरीलेले एघार हजार नगद सहित शिल्ड तथा प्रमाणपत्र प्राप्त गरेको छ भने दोस्रो हुने हिमचुली क्लव हाटखोलाले ७ हजार नगदसहित सिल्ड तथा प्रमाणपत्र प्राप्त गरेको छ । वर्षातले फूटवल मैदानमा पानी जमेर हिलाम्मे भएपछि खेलाडीले केही असहज महसुस गरेका थिए ।
Post a Comment