बिराटनगर, असोज ८ गते। यती एयरलाइन्सको विमान भैरहवा विमानस्थलमा अवतरणका क्रममा दुर्घटना भएको छ । विमानमा सबै यात्रु सकुशल रहेका छन् । नाइन एन एआईबी कलसाइन भएको विमान अवतरणका क्रममा दुर्घटना भएको हो । रन वे छोडेर निक्कै पर पुगेको विमानको नोजमा क्षति पुगेको छ भने चक्का भाच्चिएको छ । विमानमा २९ यात्रु र चालक दलका तीन सदस्य गरी ३२ जना सवार थिए । उनीहरु सबै सकुसल रहेका छन् । विमान दुर्घटनामा परेको खबर आए लगतै प्रहरीले एम्बुलेन्स पनि पठाएको थियो । तर, ठूलो चोटपटक कसैलाई नलागेको समाचारमा जनाइएको छ ।
जहाजको इन्जिनमा खराबी आएकोले दुघर्टना भएको सोही जहाजमा रहनुभएका यात्रु इन्द्र काफ्लेले बताउनुभयो । लुम्बिनी बौद्ध विश्वविद्यालय केन्द्रिय क्याम्पसका प्रमुख समेत रहनुभएका काफ्लेले अवतरण गर्ने क्रममा एकैचोटी दुर्घटना भएको बताउनुभयो । दुर्घटनामा काफ्लेसहित धेरै यात्रुको हात खुट्टामा सामान्य चोट लागेको छ ।
Post a Comment