तिजको अवसरमा सयपत्रि महिला सेवा केन्द्रद्वारा जेष्ठ नागरिक सम्मान

विराटनगर, भदौ ११ गते । सयपत्रि महिला सेवा केन्द्र विराटनगरले अहिले तिज विशेष कार्यक्रम आयोजना गरिरहेको छ । सो अवसरमा प्रमख अतिथि मोरंगका प्रमुख जिल्ला अधिकारी तोयम रायाले १० जना जेष्ठ नागरिकलाई सम्मान गर्नुभएको थियो । सो अवसरमा प्रमुख अतिथि रायाले नेपाली महिलाको महान पर्वको अवसरमा शुभकामना दिनुभएको थियो ।

कार्यक्रममा सिर्जना फाइनान्सका प्रमुख कार्यकारी अधिकृत भवानी चापागाईं, रेड एफएमका प्रमुख कार्यकारी अधिकृत तथा स्टेशन प्रमुख गणेश शिवाकोटीलगायतले मन्तव्य राख्नुभएको थियो । यसैगरी महिला पत्रकारको आयोजनामा होटल स्टर्नस्टारमा तिज कार्यक्रम जारी रहेको छ भने वीरेन्द्र सभागृहमा तिजको अवसरमा मिस पूर्वाञ्चल तिज ताराको आयोजना गरिएको छ ।