काठमाडौं, असार २२ गते । आन्दोलनरत मधेसी मोर्चा र संघीय गठबन्धनमा आवद्ध दलका सांसदहरुले व्यवस्थापिका संसदको आजको बैठक पनि बहिस्कार गरेका छन् ।संविधानका कतिपय विषयमा असन्तुष्टि जनाउँदै सडक र सदनमा आन्दोलनमा रहेको मधेसी मोर्चा र संघीय गठबन्धनमा आवद्ध सांसदहरुले आफूहरुले उठाउँदै आएका मुद्दा सम्बोधन नभएसम्म सदन बहिष्कार गर्ने भन्दै बाहिरिएका थिए ।
सभामुख ओनसरी घर्तीमगरले सदनको कारबाही अगाडि बढाउने बित्तिकै मोर्चामा सहभागी दलका सांसदहरु उभिएर विरोध जनाएका थिए । सदनमा बोल्दै सद्भावना पार्टी नेपालकी सांसद डिम्पलकुमारी झाले आफ्नो माग वार्ताको माध्यमबाट समाधानको पहल गर्न सभामुखसँग आग्रह गर्नुभयो ।
उहाँले यो समस्या समाधान नभई स्थानीय निकायको निर्वाचन पनि हुन नसक्ने बताउनुभयो ।
Post a Comment