काठमाडौं, असार २६ गते । जेष्ठ २५ गतेदेखि १२ घन्टे रिले अनसन गर्दै आएको संघीय गठबन्धनले अब राजमार्गकेन्द्रित आन्दोलन गर्ने भएको छ ।
गठबन्धनको रिले अनसन असार मसान्तसम्मका लागि मात्र घोषणा गरेको थियो भने शुक्रबार गठबन्धनको सचिवलाय बैठकले साउन महिनाभरि पनि रिले अनसन जारी राख्ने निर्णय गरेको छ ।
रिले अनसनले सरकारलाई कुनै दबाब नपुगिरहेको भन्दै अब वारपारको लडाइ लड्न राजमार्गकेन्द्रित आन्दोलन गर्न बाध्य भएको गठबन्धनका एक नेताले बताए । संघीय गठबन्धनको केन्द्रीय सचिवालयको बैठकले असोज पहिलो साताबाट निर्णायक आन्दोलन गर्ने निर्णय गरेको छ ।
सचिवालयको शुक्रबार बसेको बैठकले भदौभरीमा गठबन्धनका नेता–कार्यकर्ताहरुलाई प्रशिक्षणलगायत तयारी पूरा गरी असोजबाट निर्णायक आन्दोलनमा होमिने निर्णय गरेको हो ।
साथै गठबन्धनले खुलामञ्चमा जारी राखेको गठबन्धनको रिले अनसनलाई साउन महिनाभरीका लागि लम्ब्याउने पनि निर्णय गरेको छ ।
Post a Comment