टोकियो, असार २५ गते । नेपालीहरूबाट अवैद्य रुपमा रकम असुल गरी भिसा लगाई दिने काम गर्दै आएको अभियोगमा दुई जापानी नागरिकलाई प्रहरीले पक्राउ गरेको छ ।
पक्राउ पर्नेमा टोकियो मिनातो कुमा बस्ने ६९ वर्षीय सिरो साकुराइ र उनकी ४७ वर्षीया पत्नी ताकोमा रहेको जापानी टेलिभिजनहरुले जनाएका छन् ।
उनीहरुले बन्द भइसकेको रेष्टुरेन्टहरु र भाषा अनुवादकको े नामबाट भिसा लगाई कोरियन याकिनिकु रेष्टुरेन्ट तथा अन्य फरक स्थानहरुमा काममा लगाउने गरेको प्रहरीले जनाएको छ । उनीहरुले एकजनाको भिसा नविकरण गरिदिए वापत नेपाली रुपैयाँ करिब ३ लाख सम्म लिने गरेको पनि समाचारमा जनाइएको छ ।
साकुराईले आफूमाथि लागेको आरेप स्वीकार गरेका छन् भने उनकी पत्नी तामोकोले आरोप अस्वीकार गरेकी छिन् । एक ठाउँको भिसा लगाएर अर्को ठाउँमा काम गर्ने नेपालीहरुको संख्या जापानमा वृद्धि भइरहेको अवस्थामा यस्तो घटनाले नेपाली समूदायमा पनि खैलाबैला मच्चिएको छ ।
Post a Comment