सडक दुर्घटनामा पूर्वमन्त्रीसहित सातको निधन

धनकुटा, श्रावन १३ गते। तेह्रथुम र धनकुटाको सीमावर्ती सिधुवा बजार नजिकै बिहीबार दिउँसो बस दुर्घटना हुँदा ७ जनाको घटना स्थलमै ज्यान गएको छ । अन्य ३५ जना घाइते भएका छन् ।
ज्यान जानेमा पूर्व अर्थ राज्यमन्त्री हरिराज खेवाको सनाखत भएको छ । अरुको परिचय खुल्न सकेको छैन ।

संखुवासभाको मुढे शनिश्चरेबाट धरानका लागि छुटेको बा २ ख ७३६६ नम्बरको बस दिउँसो साढे १२ बजे दुर्घटना हुँदा ३ जना पुरुष, २ जना महिला  र एक जना दुई वर्षको बच्चाको घटना स्थलमै ज्यान गएको घटनास्थलमा रहेका ट्राफिक प्रहरी जवान डिकबहादुर कार्कीले जानकारी दिनुभयो ।

घाइतेमध्ये अधिकांश गम्भीर रहेको र उनीहरुलाई उपचारकालागि धनकुटा र धरानका अस्पतालतर्फ लगिएको उहाँले बताउनुभयो । बस सडकबाट अन्दाजी ५० फिट तल खसेको छ।