'सेल्फी' फसाद बन्यो, सामाजिक सञ्जालमा भाइरल

काठमाडौं । हात हातमा मोबाइल भएपछि सेल्फी त त्यसै भैहाल्यो, फेसन नै बन्न पुगेको छ सेल्फी ।  तर यो सेल्फी कहिलेकाही हानिकारक बनेको देख्दै र सुन्दै आईरहेका छौ। कहिलेकाही यो फसाद पनि बनि दिन्छ। भारतको राजस्थानमा विभिन्न विषयलाई पोप्रोगाण्डका रुपमा उचालिने गरिन्छ । हालै राजस्थानको महिला आयोगकी एक सदस्यले बलात्कार पीडित महिलासँग सेल्फी खिचेको फोटोलाई लिएर हंगामा मच्चिएको छ । उक्त तस्वीर सामाजिक सञ्जालमा भाइरल भएको छ र महिला आयोगका अध्यक्षसँग लिखित जवाफ समेत मागिएको छ ।

तस्वीर आयोगका सदस्य सौम्य गुर्जरले खिचेकी हुन् । तर, तस्वीरमा अध्यक्ष सुमन शर्मा पनि देखिएकी छन् । पीटीआईका अनुसार यो सेल्फी बुधबार खिचिएको थियो, जतिबेला महिला आयोगका अध्यक्ष शर्मा र सदस्य गुर्जर जयपुरमा एक महिला प्रहरी चौकीमा बलात्कार पीडितलाई भेट्न गएका थिए ।
शर्माले भने तस्वीर कुनबेला लिइएको आफूलाई थाहा नभएको बताइन् । साथै सदस्यसँग स्पष्टिकरण लिने बताइन् ।