उपाध्यायको नेतृत्वमा उधोग संगठनमा नयाँ कार्यसमिति चयन

बिराटनगर, असार १५ गते।  उद्योग संगठन मोरङले सर्वसहमतिमा नयाँ कार्यसमिति चयन गरेको छ । मुकेश उपाध्याय भट्टराईको अध्यक्षतामा १३ सदस्यीय नयाँ कार्यसमिति गठन भएको हो ।

समितिको वरिष्ठ उपाध्यक्षमा भीम घिमिरे, प्रथम उपाध्यक्षमा सुयस प्याकुरेल, द्वितिय र तृतीय उपाध्यक्षमा क्रमशः प्रदिप मुरारका र राजकुमार गोल्छा मनोनित भएका छन् ।

समितिको नयाँ सदस्यहरुमा शुशिल रिजाल, नवलकिशोर कावरा,  राकेश सुराना, गिरेन्द्र कार्की, सुरेन्द्र गोल्छा, नन्दकिशोर राठी, सुबोध कोइराला र सुरेश धनावत रहेका छन् । संगठनको निर्वाचन आयोजक समितिले निर्वाचित पदाधिकारीहरुको औपचारिक नाम घोषणा आज हुने जनाइएको छ ।

संगठनको विधानमा १७ सदस्यीय कार्यसमितिको व्यवस्था छ । जसमा ४ जनालाई निर्वाचित कार्यसमितिले मनोनयन गर्ने प्रचलन रहेको छ ।