सुनसरी, असार १५ गते। सुनसरीको हरिपुरमा मंङ्लबार यात्रुबहाक बस दुर्घटना हुँदा सात जना घाइते भएका छन्।
झापाको काँकडभिट्टाबाट कटारीतर्फ जादै गरेको मे १ ख १९२३ नम्बरको बस अनियन्त्रित भइ दुर्घटना भएको थियो। दुर्घटनामा बसमा सवार यात्रु मध्ये ७ जना घाइते भएका हुन्।
घाइते सातै जनाको जिल्ला अस्पताल इनरुवामा उपचार भइरहेको छ भने बस सहित चालक जिल्ला प्रहरी कार्यालय सुनसरीको नियन्त्रणमा रहेको छ।
यसैगरी, सप्तरीको खोजपुर ८ मा मंगलबार बलेरो अनियन्त्रित भइ दुर्घटना हुँदा दुईजना घाइते भएका छन्। पूर्वबाट पश्चिमतर्फ जादै गरेको स ३ च ९७३ नम्बरको बलेरो गाडी सडकमा रहेको खसीलाई जोगाउने क्रममा अनियन्त्रित भई दुर्घटना भएको थियो।
दुर्घटनामा बलेरो चालक लहान ५ का अमित साह र सोही स्थान बस्ने राजाराम साह घाइते भएका छन्। घाइते दुवै जनाको सप्तऋषि अस्पताल लहानमा उपचार भइरहेको छ।
Post a Comment