पूर्वयुवराज पारस शाह र पूवयुवराज्ञी हिमानी लामो समयपछि सँगै देखिएका छन् । पूर्वयुवराज ज्ञानेन्द्र शाहकी दिदी शोभा शाहीको छोरा हिमबानको विहेको मौकामा सँगै भेटिएका पारस र हिमानीले नवजोडिसँगै आफ्ना छोराछोरीलाई समेत सँगै राखेर फोटो खिचाउन भ्याएका छन् ।
यसरी झन्डै ११ महिनाअघि पारस थाइल्याण्डबाट नेपाल आएपछि विरामी परेर नर्भिक अस्पतालमा भर्ना हुँदा हिमानी र पारसको भेट भएको थियो । त्यसपछि पारसले आफ्ना छोराछोरीसँग पटक–पटक भेट्ने गरेता पनि हिमानीसँग भने उनको भेट भएको थिएन ।
पारस आफ्नो थाइल्याण्ड बसाईका क्रममा कन्नीका नामकी थाइ युवतीसँग प्रेममा परेपछि उनीहरुबीच विगत लामो समयदेखि दुरी बढ्दै गएको छ । यसैबीचमा पारस र हिमानी एउटै फ्रेममा भएको तस्बिर सार्वजनिक भएपछि यस विषयले सामाजिक संजालमा निकै चर्चा पाएको छ ।
Post a Comment