Websoft University
[pgallery][img src="http://websoftitnepal.com/images/websoftitnepal.png"][/img][img src="https://2.bp.blogspot.com/-_HtlLHRIyXc/WCWsnUJUPeI/AAAAAAAAALA/vbuluS-3S2A2Im6NlWd2YHH7LMdfRWTTgCLcB/s320/radionagariklive.png"width=50%][/img][img src="https://1.bp.blogspot.com/-ABoIxzRnBHQ/WJnYOJClcWI/AAAAAAAABlQ/tSULOrTn7uIYOFxjZmmi4pzhVQrCw80cACLcB/s1600/radio%2Bbahas%2Bphoto%2B1.PNG"][/img][/pgallery]
[ads-post]

छाउपडी प्रथामुक्त अभियान थालिने

जुम्ला, २९ माघ । कुप्रथाका रुपमा विद्यमान छाउपडी प्रथामुक्त अभियानको सबैभन्दा ठूलो चुनौती ‘देवता रिसाउँछ’ भन्ने जनविश्वास रहेको निक्र्योल गरिएको छ । छाउपडी प्रथा
आत्मसम्मानका लागि सहकार्य (क्याड) जुम्लाको सहयोग र महिला तथा बालबालिका कार्यालयद्वारा आयोजित गोष्ठीमा सो कुराको निक्र्योल गरिएको हो ।

गोष्ठीमा मध्य तथा सुदूरपश्चिम विकास क्षेत्रमा गहिरो जरा गाडेको यो प्रथाका कारण महिला हिंसाका घटना बढेको तथ्य खुलाइएको छ ।

विशेषगरी, समाजमा छोइछिटो नगर्दा देउता रिसाउने र त्यसले ज्यानै लिने डर स्थानीयवासीमा भएकाले यो अभियान चुनौतीपूर्ण भएको प्रमुख जिल्ला अधिकारी दीपेन्द्रराज पौडेलले बताउनुभयो ।

परम्परागत संस्कारबाट ग्रसित नागरिकमा चेतनाको विकाससम्बन्धी गतिविधि सञ्चालन गर्न सुझाउँदै अभियान पूर्णताका लागि प्रशासनले सक्दो सहयोग पु¥याउने उहाँको भनाइ थियो ।

स्थानीय विकास अधिकारी मित्रमणि पोखरेलले छाउपडीमुक्त अभियानलाई गाँउमा लैजान सम्पूर्ण गाविस सचिवलाई निर्देशन दिने बताउनुभयो ।

गाविस सचिव स्थानीयस्तरमा छाउपडी निगरानी समितिको संयोजक भएकाले छाउपडीमुक्त अभियानका विभिन्न गतिविधि परिचालन गर्न सचिवहरुको मुख्य भूमिका हुन्छ ।

सर्वोच्च अदालतको आदेश बमोजिम सरकारले छाउपडी प्रथा उन्मूलन निर्देशिका–२०६४, कार्यान्वयन तहमा नलैजाँदा हिंसा न्यूनीकरण हुन नसकेको आत्मसम्मानका लागि सहकार्य (क्याड) जुम्लाका कार्यकारी निर्देशक धनबहादुर गौतमले बताउनु भयो ।

यो अभियानलाई सफल पार्न धामीझाँक्री र पुरोहितलाई एकै ठाउँमा राखेर चेतनामूलक अभिमुखीकरण गरिनुपर्ने सहायक वन अधिकृत श्यामलाल महतले सुझाव दिनुभयो ।

महिला तथा बालबालिका कार्यालय, जुम्लाका निमित्त कार्यालय प्रमुख मञ्जु पाण्डेले छुई प्रथा तथा हिंसा न्यूनीकरण गर्न सासू–बुहारी सचेतना कार्यक्रमलाई अगाडि बढाइएको बताउनुभयो । गोष्ठीमा संस्कार रुपान्तरणका लागि अधिकांश सहभागीले सैद्धान्तिक सचेतनाभन्दा व्यावहारिक ज्ञान दिन सुझाव दिएका थिए ।

एकसातापछि जिल्लाका प्रत्येक गाउँ, बस्ती, वडा र गाविसबाट छाउपडीमुक्तविरुद्धका सचेतनामूलक कार्यक्रम अभियानका रुपमा अगाडि थाल्ने क्याड जुम्लाले जनाएको छ ।
Labels:
Reactions:

Post a Comment

websoft university

{facebook#https://www.facebook.com/WebsoftUniversity/} {twitter#https://twitter.com/websoftuniverct} {google-plus#https://plus.google.com/u/0/106673751673377489216/posts}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget