इन्टरनेशनल कन्सर्न सेन्टरले आज राजधानीमा गरेको कार्यक्रममा उनले आफ्नो भ्रमणलाई राजकीय भ्रमणको सम्मान दिएर भारतले नेपालको सम्मान गरेको र भारतीय प्रधानमन्त्रीलगायतले नेपालको संविधानकोप्रशंसा गर्नुले सम्बन्ध पूर्ववत् रुपमा फर्केको प्रष्ट भएको बताए । संयुक्त विज्ञप्ति नआउँदैमा कुनै शंका गर्नु नपर्ने भन्दै ओलीले केही तुष बाँकी भए त्यो पनि समाप्त भएर जाने विश्वास दिलाए ।
कार्यक्रममा पूर्व परराष्ट्रमन्त्री डा. भेषबहादुर थापाले प्रधानमन्त्रीको भ्रमणमा भारतले देखाएको आतिथ्यले नेपालप्रति उसको सद्भावमा कमी नदेखिए पनि चीसोपन भने अझै बाँकी रहेको बताए ।
सम्बन्धलाई हार्दिक बनाउन कुटनीतिक पहललाई तीब्र बनाउनु पर्ने र देशभित्रको समस्यामा ध्यान दिनु पर्नेमा उनको जोड थियो ।
यस्तै पूर्व परराष्ट्रमन्त्री डा. प्रकाशचन्द्र लोहनीले भ्रमणपछि दुई देशको सम्बन्ध सुधारको बाटोमा गएको भन्दै भारतको आधारभूत स्वार्थमा धक्का नपर्ने गरी चीनसँग पनि सम्बन्ध विस्तार गर्नुपर्ने बताए ।
कार्यक्रममा पूर्व राजदूत शम्भुराम सिंखडाले दुई देशबीचको सम्बन्धमा सुधार आए नआएको निर्धारण अन्य कुराले भन्दा ग्यास र पेट्रोलको आपूर्तिले गर्ने तर्क गरे ।
Post a Comment